今年既大假又開始啦, 自從陳生成日有咁多假放之後, 我都有咁多假陪佢一齊放, 幾好...哈哈

今次我地既秋季大旅行地點係我地既祖國, 北京! 其實之後奧運前都好想到北京一遊, 但上次比較想去大城市, 上海, 所以今次秋季大旅行就到北京一遊, 成為好漢! 但不幸地放假第一天我已經病左!

上午4點多已經起身準備, 大約5點半就離開屋企, 帶依依不捨既心情離開小BUBI, BUBI好似知我地走咁, 佢好知道我地唔係屋企咁, 又要跳落行李箱! 好掛住你呀....我地今次仍然乘機鐵出發, 因為真係比較快呢! 但好笑地去到CHECK IN仍然機位好FULL,差D要分開坐呀! 不過今次有時間慢慢食早餐, 仲可以行下DUTY FREE. 到達北京差不多11點多, 北京機場同香港機場都幾似, 但係大3倍左右啦...勁大! 我地今次係第一次唔搭的士出市區, 因為今次為北京體驗團嗎, 我地搭機鐵轉地鐵再行去酒店, 嘩.....其實都幾遠KA...... 到達酒店放低行理我地就出動啦, 第一站為<<前後海>>, 又名什剎海, 嘩風景一流, 好靚, 地方同地圖真係十分唔合比例, 因為大好多! 我地沿湖邊行, 好舒服空氣又清新, 地方大就有呢個好處! 我地去左旅遊書介紹既餐廳食野, 都係食羊肉好"so"呀!! 本來好想去恭和府參觀, 但點知收4點, 所以明天開始我地要留意時間去玩啦! 不過沿途經過好多民居, 佢地既屋企都係好簡單既平房, 但生活得好似好舒服咁!

我地由什剎海行去前鑼鼓行, 搭的士經過時覺得好近, 但係行去, 係行到死......但係呢道比想像中多野睇, 好多特別野買, 好靚! 6點多就到回到前後海食飯, 飲野, 呢到夜晚風景都好靚, 湖面可以反映到四周既燈光, 好靚! 原來北京人有習慣圍左一起放風箏, 又放狗仔啦, 好開心同悠閒

今個星期六係我第2個星期六唔使返工啦, 星期六放假真係好爽! 不過今日一早起身就比人"呃", 明明8點, 就話10點....人地放假都唔比人訓多少少!  今日志哥既機頂盒壞左, 所以我同陳生就去左我地當年一齊返工既地方砲台山維修! 我地搭船去北角, 呢個地方係我地之後裝修時, 成日黎既地方, 而家諗返覺得個時好開心,不過其實當然覺得好煩好辛苦! 之後我地去到砲台山諗返大家以前一齊返工既時間都幾好笑! 我地行行下都唔識路, 所以陳生就以佢先進既科技開左i-phone既GSP找地方, 睇到一點閃閃下, 就知道自己係邊啦, 幾有趣呢! 我地仲去左拍<<文雀>>既餐廳食lunch, 其實都係一d古老茶餐廳, 不過無以前咁好食啦, 我地仲去左銅鑼灣行下, 不過可能真係經濟唔好, 成條街麵好似好少人咁, 我地丁行到3點幾就返屋企啦! 不過行citysuper個時見到個poodle月曆好靚, 好想買呀, 不過真係太貴啦, 所以都係諗下先啦!

我屋企人黎左屋企一齊去打邊爐, 細路,彤彤,媽媽見到bubi都好開心, 仲有同bubi都玩得好開心......我諗bubi會話真係好少人會同佢玩得咁投入!

我地既5週年紀念日就跟隨住Fiona & Keith既結婚日一齊渡過啦! 今日陳先生係伴郎, 而我就係姊妹, 一同陪伴佢地渡過今天啦!

其實我地兩個今日都真係好忙, 大家根本無時間兩個人慶祝, 不過仍然今日好開心, 希望新婚既佢地都過得開心啦!